ಸಮಯದ ಬೆಲೆ

ಮತ್ತೆ ಹಗಲು ಮತ್ತೆ ಇರುಳು ಕಾಲಚಕ್ರ ಹೀಗೇ ಉರುಳುತ್ತಿದೆ ಅತಿ ವೇಗದಿ ಸಾಗುತ್ತಿದೆ

ಹೀಗಿರಲು ಪ್ರತಿಯೊಂದು ಕ್ಷಣವೂ ಅಮೂಲ್ಯ ಕಳೆದುಹೋಗುತ್ತಿರುವ ಕ್ಷಣವ ತಡೆಯುವುದು ಅಸಾಧ್ಯ

ಆಗಲೇ ಕೈಜಾರಿದೆ ಭೂತಕಾಲ ಮುಂದೇನೋ ಯಾರು ಬಲ್ಲ ಈಗ ಕೈಯಲ್ಲಿರುವುದೊಂದೆ ಅದೇ ವರ್ತಮಾನ ಕಾಲ

ವಸಂತ ಗ್ರೀಷ್ಮ ಹೀಗೆ ಉರುಳುತ್ತಿವೆ ಋತುಮಾನಗಳು ಯಾರಿಗೂ ಕಾಯದೆ ಏನನೂ ಹೇಳದೆ

ಮುಂದಾಲೋಚನೆ ಇರದೆ ಕಾಲಹರಣ ಮಾಡಿದರೆ ಸಮಯವು ವ್ಯರ್ಥ ನಂತರ ಎಷ್ಟು ಪರಿತಪಿಸಿದರೂ ಅದಕ್ಕಿರದು ಅರ್ಥ

ಕಾಲ ಮಿಂಚಿಹೋದ ಮೇಲೆ ಬಾಳು ಬರಿ ಗೋಳೇ ಕಾಲದ ಜೊತೆಗೇ ಸಾಗಿದರೆ ಮಾತ್ರ ನಮ್ಮದು ನಾಳೆ