ಗಾಯ

ಅಣೆಕಟ್ಟು ಕಟ್ಟಲಾದೀತೇ ಎಡಬಿಡದೆ ಸುರಿಯುತ್ತಿಹ ಈ ಕಣ್ಣೀರಿಗೆ ಹುಸಿ ಸಾಂತ್ವನದ ಮಾತುಗಳಿಂದ?

ಆಗಿಹೋದವು ಮಾಗಿಹೋದವು ದೇಹದ ಮೇಲಾದ ನೂರಾರು ಗಾಯಗಳು

ಮನದ ಮೇಲಾದ ಈ ಒಂದು ಗಾಯ ಮಾತ್ರ ಮಾಗದೆ ಒಣಗದೆ ಹಚ್ಚ ಹಸಿರಾಗಿದೆ

ಹಾಸು ಹೊಕ್ಕಿದೆ ನಿನ್ನ ಮನದಲ್ಲೊಂದು ಭೂತ

ಅದೇ ಅನುಮಾನ

ನಿನಗಾದರೂ ತಿಳಿಯದೇ?

ನಾನು ಪವಿತ್ರ ಅಗ್ನಿಗೆ ಸಮಾನ

ನಿಜವಾದ ಪ್ರೀತಿ ನಂಬಿಕೆಗಳೇ ಈ ಗಾಯಕ್ಕೆ ಮುಲಾಮು ಅದೇ ಔಷಧಿ

ನಿನಗೊಂದು ತಿಳಿಯಲಿ ಗೆಳೆಯ ನಿನ್ನ ಬಳಿಯೇ ಇದೆ ಆ ಔಷಧಿ ಎಂಬ ನಿಧಿ