ವಾಸ್ತವ

 ನಾವೆಂದುಕೊಂಡಷ್ಟು ಸುಲಭ ಅಲ್ಲ ಜೀವನ

ಎಂದಿದ್ದರೂ ಇದು ಮಣ್ಣಿನ ದೋಣಿಯ ಮೇಲೆ ಪಯಣ

ಹಲವು ಬಾರಿ ತಲೆಕೆಳಗಾಗುವುದು ನಮ್ಮೆಲ್ಲಾ ಲೆಕ್ಕೆಚಾರಗಳು

ಗಾಳಿಗೆ ತೂರಿ ಹೋಗುವವು ಕಂಡ ಕನಸುಗಳು

ಬರುವಾಗ ಒಂಟಿ ಹೋಗುವಾಗ ಒಂಟಿ ಇವೆರಡರ ಮಧ್ಯೆ ಬರೀ ಕತ್ತಲು ನಮ್ಮ ಜಂಟಿ

ಪರಿಸ್ಥಿತಿಗಳು ಕೈಮೀರಿ ಆಗುವುದು ಕ್ಲಿಷ್ಟ

ಧೈರ್ಯವಿರದಿರೆ ಅವನ್ನೆಲ್ಲ ಎದುರಿಸುವುದು ಕಷ್ಟ

ಇರುವುದೆಲ್ಲವ ಬಿಟ್ಟು ಇಲ್ಲದರ ಕಡೆಗೇ ಒಲವು

ಇದೇ ಮುಂದುವರೆದರೆ ಅಸಾಧ್ಯ ಈ ಪಯಣದಿ ಗೆಲುವು

ಆಕಸ್ಮಿಕವಾಗಿ ಎದುರಾಗುವ ವಿಚಿತ್ರ ತಿರುವುಗಳು

ಬಿಡಿಸಲಾರದ ಕಗ್ಗಂಟುಗಳಾಗಿಯೇ ಉಳಿಯುವವು

ಇಷ್ಟೆಲ್ಲಾ ಅರಿವಾಗುವುದರೊಳಗೆ ಕಟ್ಟಬೇಕಾಗುವುದು ಗಂಟುಮೂಟೆ

ಮುಂದೇನು ಉಳಿಯುವುದು? ಬರೀ ಲೊಳಲೊಟ್ಟೆ