ಚಡಪಡಿಕೆ

 ಮನವು ನೂರು ಮಾತನಾಡಲು ಇಚ್ಚಿಸಿದೆ

ಆದರಿಲ್ಲಿ ಮೌನ ಸಾಮ್ರಾಜ್ಯ ನೆಲೆಸಿದೆ

ನಿನ್ನೆವರೆಗೂ ನೀನೆಲ್ಲೋ ಇದ್ದೆ

ಇಂದು ನನ್ನ ಹೃದಯ ಕದ್ದೆ

ನನ್ನೊಳಗೆ ನಾ ಇರದಾದೆ

ನೀ ನನ್ನೊಳಗೊಂದಾದೆ

ಸದಾ ಚಿಂತೆಯಾಗಿದೆ ನಿನ್ನದೇ

ಮನಕೆ ವಿಶ್ರಾಂತಿ ಇಲ್ಲದೆ

ಹಳೆಯ ನೆನಪುಗಳು ಕಾಡಿವೆ ನಿಲ್ಲದೆ

ಈ ದೂರ ಮನಸಿಗೆ ಸಲ್ಲದೆ

ಕಲ್ಲಾಗಿಹೆನು ನಾ ದಾರಿ ಕಾಣದೆ

ಮುಂದೇನು ಮಾಡಲಿ? ಏನೂ ತೋಚದೆ!

ತಡಮಾಡದೆ ಬಾ ಗೆಳೆಯ

ಈ ಜೀವನ ನಮಗಾಗಿ ಕಾದಿದೆ

ನೀ ಎನ್ನ ಜೊತೆಯಿರಲು ಗೆಲುವು

ಎಂದಿಗೂ ನಮ್ಮದೇ!