ಮಲೆನಾಡು

ಕಂಡೆ ನಾ ಮಲೆನಾಡ ಭೂರಮೆಯ ಸಿರಿನಾಡ ಬೇರೆಲ್ಲೂ ಕಾಣೆ ನಾ ಇಂಥ ಸೊಬಗಿನಾ ಬೀಡ

ಪಚ್ಛೆತೆನೆ ಗದ್ದೆಯಲಿ ತೆಂಗು ಕಂಗುಗಳು ತೋಟದಲಿ ಏಲಕ್ಕಿ ಕಾಳುಮೆಣಸು ಚಿಗುರು ವೀಳೆಯದೆಲೆ ಕಂಪು ಜಿಟಿ ಜಿಟಿ ತುಂತುರು ಮಳೆ ಹವೆಯಂತೂ ತಂಪು

ಕಾಫಿ ತೋಟಗಳು ಹಲಸು ಕಿತ್ತಳೆ ವೆನಿಲ್ಲಾಗಳು ಸಂಪದ್ಭರಿತ ಮಲೆಯ ಬೆಳೆಗಳು

ಸಹ್ಯಾದ್ರಿಯ ಗಿರಿ ಸಾಲು ಆವರಿಸಿದೆ ಸುತ್ತಲು ಕಣ್ಣಿಗೆ ಹಸಿರಿನ ಹಬ್ಬ ಎಲ್ಲೆಲ್ಲೂ ಎಷ್ಟು ಚೆಂದ ಈ ನಿಸರ್ಗದ ಮಡಿಲು

ಜುಳು ಜುಳು ಹರಿವ ನದಿಗಳು ಧುಮ್ಮಿಕ್ಕಿವೆ ಜಲಪಾತಗಳು ಎತ್ತ ನೋಡಿದರೂ ಹಸಿರು ಕಾನನಗಳು

ಬೆಳ್ಮುಗಿಲಲಿ ಹಕ್ಕಿಗಳ ಚಿತ್ತಾರ ಮಲೆಗಳ ಮಧ್ಯೆ ರವಿಯು ಹೊರಡಲು ಬಹುದೂರ ಈ ನಾಡ ರಮ್ಯತೆ ಅಪಾರ

ಎಂಥ ಚೆಂದ ಈ ಮಲೆನಾಡು ಕವಿಗಳಿಗೆ ಸ್ಪೂರ್ತಿದಾಯಕ ನಾಡು ಕರುನಾಡ ತಾಯಿಯ ಕಿರೀಟದ ಚಿನ್ನದ ಗರಿ ಈ ಬೀಡು