ಬಾಲ್ಯದ ನೆನಪು

ಬಾಲ್ಯದ ದಿನಗಳು ಬಹು ಸುಂದರ

ಅದರ ಅನುಭವ ಮಧುರಾತಿ ಮಧುರ

ಭೇದಭಾವ ಅರಿಯದ ಹೂಮನಸು

ಕಣ್ಣಂಚಿನಲ್ಲಿ ತುಂಬಿತ್ತು ಹೊಂಗನಸು

ಎಲ್ಲದರ ಬಗ್ಗೆ ಬಹಳ ಇತ್ತು ಆಸೆ

ಬಯಸಿದ್ದು ಸಿಗದಿರೆ ಅದೇನೋ ನಿರಾಸೆ

ಆಟದ ಬಗ್ಗೆ ಇತ್ತು ಅತಿ ಒಲವು

ಸಿಗಲೇಬೇಕೆಂದು ತನಗೇ ಗೆಲುವು

ಎಲ್ಲಾ ವಿಷಯದಲ್ಲೂ ಹುಡುಗಾಟ

ಜೀವನವು ಆಗಿತ್ತು ಚೆಲ್ಲಾಟ

ಚಿಂತೆಯೇ ಇರದ ಮನಸಾಗಿತ್ತು ನಿರಾಳ

ಜೀವನದ ಶೈಲಿಯು ಆಗಿತ್ತು ಸರಳ

ತೊದಲು ನುಡಿಗಳ ಆ ಭಾಷೆ ಮುಗ್ಧ

ಅಪರೂಪದಂತಿದ್ದ ಆ ಸೌಂದರ್ಯ ಸ್ನಿಗ್ಧ

ತೃಪ್ತಿ ನೀಡಿದ ಬಾಲ್ಯ ಮಾಡಿತ್ತು ಮರುಳ

ಇನ್ನು ಮುಂದೆ ಅಂತಹ ದಿನಗಳೇ ವಿರಳ

ಓ ದೇವ ಪುನಃ ಮಾನವ ಜನ್ಮ ಕರುಣಿಸು

ಮತ್ತೆ ಬಾಲ್ಯವೆಂಬ ಅಮೃತವ ಉಣಿಸು