ಊರಲ್ಲೇ ಕಳೆದು ಹೋಯಿತು

ಬಿರು ಬೇಸಿಗೆಯ
ಸುಡು ಬಿಸಿಲಲಿ
ಏನೋ ಮೋಡಿಯಿದೆ
ಎಷ್ಟೋ ನೆನಪುಗಳಿವೆ

ಬಾಲ್ಯದ ಆ ತುಂಟಾಟ
ಮೋಜಿನ ಆ ಒಡನಾಟ
ಆಗಿತ್ತು ಬೇಸಿಗೆಗೆ ಸೀಮಿತ
ಬೇಸಿಗೆಗೇ ಕಾದಿತ್ತು ಮನ

ಅಜ್ಜಿಯ ಮನೆಯದು ಭವ್ಯ
ಅಲ್ಲಿಯೇ ನಮ್ಮ ಸಾಮ್ರಾಜ್ಯ
ಇರುಳು ಸಾಲದು ಹಗಲು ಸಾಲದು
ಆ ಅನುಭವ ದಿವ್ಯ

ತೋಟ ಗದ್ದೆ ಕೆರೆ ಸಮುದ್ರ
ಎಲ್ಲೆಲ್ಲೂ ನಾವು
ಆಟ ಊಟ ನೋಟ ತುಂಟಾಟ
ಚಟುವಟಿಕೆಗಳು ಹಲವು

ಇರಲಿಲ್ಲ ಬೇರೆ ಯಾವ ಚಿಂತೆ
ಬಾಲ್ಯವದು ಹುಡುಗಾಟಿಕೆಯ ಕಂತೆ
ಕ್ಷಣದಲ್ಲಿ ಮರೆಯುತಿತ್ತು ಎಲ್ಲ ನೋವು
ಅಲ್ಲಿದ್ದದ್ದು ಕೇವಲ ನಲಿವು

ಇನ್ನಿಲ್ಲ ಆ ಕಾಲ
ಇನ್ನಿಲ್ಲ ಆ ಮೋಜು
ಆ ಮನೆಯೇ ಇನ್ನಿಲ್ಲ
ಮುಗಿಯಿತದರ ಋಣ

ಕಳೆದು ಹೋಯಿತು ಬಾಲ್ಯ
ದೂರ ಸರಿಯಿತು ಆ ಸುಂದರ ಕಾವ್ಯ
ಇನ್ನು ಆ ಸಂತೋಷ ಎಂದೆಂದಿಗೂ ಅಲಭ್ಯ
ಎಂದಿಗೂ ಅಸಾಧ್ಯ