ಮಳೆ

ಮಳೆ ಬಂತು ಮಳೆ
ಊರು ತುಂಬಾ ಹೊಳೆ
ಬೀದಿಯಲಿಲ್ಲ ಕಳೆ
ಎಲ್ಲರ ಬಟ್ಟೆ ಕೊಳೆ
ಮಕ್ಕಳಿಗುಂಟು ರಜೆ
ಆದರೂ ಇದು ಒಂದು ಸಜೆ

ಪುಟ್ಟಿ - ಬುತ್ತಿ

ಬಂದಳು ನಮ್ಮಯ ಪುಟ್ಟಿ
ಕೈಯಲಿ ಹಿಡಿಡಳು ಬುಟ್ಟಿ
ಮಾಡಲು ಅಮ್ಮನು ರೊಟ್ಟಿ
ಕಟ್ಟಿದಲೊಂದು ಬುತ್ತಿ
ಗದ್ದೆಗೆ ಒಯ್ದಳು ಬುತ್ತಿ
ತಿನಿಸಿದಲಪ್ಪಗೆ ರೊಟ್ಟಿ

ರೊಟ್ಟಿ

ರೊಟ್ಟಿ ರೊಟ್ಟಿ ಬಿಸಿ ಬಿಸಿ ರೊಟ್ಟಿ

ಅಮ್ಮನು ಮಾಡಿದ ಪುಟಾಣಿ ರೊಟ್ಟಿ

ಕೈಯಲಿ ಅದನು ತಟ್ಟಿ ತಟ್ಟಿ 

ಮಾಡಿದಳಮ್ಮ ರುಚಿ ರುಚಿ ರೊಟ್ಟಿ

ಅಪ್ಪನು ಮೆಚ್ಚುವ ರಾಗಿ ರೊಟ್ಟಿ 

ತಮ್ಮನು ಹೋಗಳುವ ಅಕ್ಕಿ ರೊಟ್ಟಿ

ಕಾವಲಿ ಮೇಲೆ ತಟ್ಟಿ ತಟ್ಟಿ

ಮಾಡಿದಳಮ್ಮ ರುಚಿ ರುಚಿ ರೊಟ್ಟಿ

ಅಜ್ಜಿಯು ಮೆಚ್ಚದ ತಿಂಡಿ ರೊಟ್ಟಿ

ತಾತನು ಜಗಿಯಾದ ಗಟ್ಟಿ ರೊಟ್ಟಿ

ಕೈಯಲಿ ಅದನು ತಟ್ಟಿ ತಟ್ಟಿ

ಮಾಡಿದಳಮ್ಮ ರುಚಿ ರುಚಿ ರೊಟ್ಟಿ

ತಿನ್ನೆನು ಎಂದಿಗೂ ಗಟ್ಟಿ ರೊಟ್ಟಿ

ಅಮ್ಮ ಮಾಡುವಳು ಮೃದು ಮೃದು ರೊಟ್ಟಿ

ನನ್ನಯ ನೆಚ್ಚಿನ ತಿಂಡಿ ರೊಟ್ಟಿ

ಆಹಾ! ಘಮ ಘಮ ಪರಿಮಳದ ರೊಟ್ಟಿ

ತಾತ

ನನ್ನಯ ಮುದ್ದಿನ ಮಿಲಿಟ್ರೀ ತಾತ
ಡಿಸಿಪ್ಲೀನ್ ಎನ್ನುವರು ಸದಾ ಈತ
ಆದರೆ ದೊಡ್ಡ ತಿಂಡಿ ಪೋತ
ಯಾವಾಗಲೂ ಹೇಳುವರು ಜೈ ಭಾರತ್ ಮಾತಾ

ಟೋಪಿ

ಬಹಳ ಹಿಂದೆ ಜನರು ತೊಡುತಿದ್ದರು
ಗಾಂಧೀಜಿ ಟೋಪಿ
ಇಂದಿನ ಜನರು ತೊಡದಿದ್ದರೂ
ಹಾಕುವರು ಇತರರಿಗೆ ಟೋಪಿ !!!

ಅಂತರ

  ಮಾತು ಮೌನಗಳ ನಡುವೆ

ಇರುವುದೊಂದೇ ಅಂತರ

ಮಾತು ಭಾಷೆಯ ಕೊಂಡಿಯಾದರೆ

ಮೌನ ಭಾವನೆಗಳ ಕೊಂಡಿ